Tircis caressait Climène

Noël traditionnel provençal

Ourgueious plen de magagno,
Que te parues coume un gau,
E dins lei meiour coumpagno
Te gounfles comme un crapaud ;
Sies, tu, pas bèn miserable
D'avé tant de vanita,
Pièsque Diéu dins un estable
Pratico l'umelita ?

Tu que las milo souplesso,
Que cerques à t'engaja
A l'amour d'uno mestresso,
Iéu te vole bèn louja :
Vène, que n'en veiras uno
Que li manco pas un péu,
Qu'es pu blanco que la luno,
Pu bloundo que lou soulèu.

Tu que cerques tei delice,
Que n'ames que lei plesi,
Quouro quitaras lou vice ?
N'auras, tu, jamai lesi ?
Nas, tu, pas vergougno d'èstre
Toujour dins aquel estat ?
Veses-ti pas que toun Mèstre
A la vot de paureta ?

Tu que sies lou marrit riche,
Eiserço la carita ;
Ei paure siegues pas chiche,
Dono li quauque pata ;
Diéu, dins aquelo bastido,
Dono tout à seis amis,
Soun amour, soun sang, sa vido
Sa mort e soun Paradis.